ANG PLANONG PAGBABAGO SA HISTORICAL BANLAT AREA NG QC

 

Noong 2012, inilahad ang isang plano at disenyo para lalo pang paunlarin ang isang lugar sa QC na itinuturing na Historical Banlat Area (HBA). Ang HBA ay binubuo ng 11 barangays: Apolonio Samson, Baesa, Balonbato, Culiat, New Era, Pasong Tamo, Sangandaan, Sauyo, Talipapa, Tandang Sora, at Unang Sigaw.

Naisip at nabuo ito ayon sa pananaw ng isang visionary leader na kagaya ni Kit Belmonte na may kaalaman din sa urban planning na isakatuparan ang kaunlaran at pagbabago ng lugar.

Ayon sa kanyang nabuong unang balangkas (draft) o tinawag na Area Development Plan ng lugar, ang HBA ay pauunlarin upang maging “Gateway to Growth, Quality of Life, and Heritage” dahil ito ay nasa hilagang-kanlurang bahagi ng lungsod at malapit sa mga pangunahing daanan tulad ng NLEX at EDSA. Ang HBA din ay itinuturing na mahalagang sentro ng kalakalan, transportasyon, at kasaysayan.

MGA GAGAWING PAGBABAGO SA HBA

I.                Sa Kalusugan at Edukasyon

·     Pagtatayo ng mga bagong health centers at district hospital

·       Pagdadagdag ng mga classrooms sa eskuwelahan

·       Paglalagay ng elementarya at segundaryang paaralan sa mga barangay lalo na sa Sauyo, Pasong Tamo, at Tandang Sora.

 

II.               Suliranin sa Pabahay at Impormal na Paninirahan

Dahil sa problema sa tirahan at pabahay para sa mahigit 37,000 informal settler families (ISFs) sa HBA noong taong iyon, lalo na sa Sauyo at Culiat, iminungkahi ang pagkakaroon:

·       iba’t ibang housing programs tulad ng public rental housing, community-led housing projects, at land banking.

·       Kabilang din sa mga panukala ang pagpapaunlad ng mixed-use housing developments upang mabigyan ng mas maayos at ligtas na tirahan ang mga residente.

 

III.            Sentro ng Kalakalan at Pag-unlad

Malaki ang papel ng HBA sa ekonomiya ng Quezon City dahil halos kalahati ng negosyo rito ay nasa wholesale at retail trade. Nasa Balintawak din ang isa sa mga pangunahing sentro ng distribusyon ng produkto mula Hilaga at Gitnang Luzon.

Bilang bahagi ng development strategy, iminungkahi ang modernisasyon ng Balintawak market complex upang maging mas organisadong sentro ng food distribution. Kasama rito ang cold storage facilities, parking areas, sanitation systems, at maging mga BPO at mixed-use developments.

IV.            Kasaysayan at Turismo

Bukod sa ekonomiya, mahalaga rin ang HBA sa kasaysayan ng bansa. Matatagpuan dito ang ilang kilalang pook gaya ng Balintawak Monument, Tandang Sora Shrine, at ang central cathedral ng Iglesia ni Cristo.

Dahil dito, nais ng plano na paigtingin ang heritage tourism sa lugar sa pamamagitan ng pagtatatag ng “Trail of the Katipunan” at pagpapaunlad ng mga historical landmarks at open spaces.

V.               Imprastraktura at Kapaligiran

Ilan sa mga pangunahing problema sa HBA ay traffic congestion, pagbaha, at kakulangan sa maayos na drainage system. Tinukoy na flood-prone ang mga lugar malapit sa Tullahan River, Dario Creek, at ilang bahagi ng Quirino Highway at EDSA.

Kabilang sa mga iminungkahing proyekto ang pagpapalawak ng Tandang Sora Avenue, drainage improvement, flood control structures, at mas maayos na traffic management systems.

Pangmatagalang Pananaw

Sa kabuuan, ipinapakita ng Historical Banlat Area Development Plan ang layunin na gawing sentro ng kaunlaran, maayos na pamumuhay, at pangangalaga sa kasaysayan ang HBA. Bagama’t marami pa ring hamon sa pabahay, edukasyon, kalusugan, at imprastraktura, nakikita sa plano ang potensyal ng lugar bilang isa sa mga pangunahing growth areas ng Quezon City.

Ang lahat na ito ay ayon sa pasulong na pananaw ni Kit Belmonte -isang visionary leader at urban planner.

 

Ref: HBA ADP MAY 2012